Huimat
Furt muass i, huimat, lass mi ganga.
Hears bleara auf und lass mi los.
Du wiarsch mer z'eng, ka numma schnaufa
I ho kuin Platz mea in deim Schoss

Mir hilft kui Doktor und kui Geald
furt muass i, naus in'd Wealt.
Mear seacha als bloss Nochbars Tenna,
will learna, lohse, wachsa kenna.

Ming Wurzla kennat numma triebe,
sonscht waer i no a Wiele bliebe.
Schlof ruhig, Du bliebscht ming greaschtar Schatz,
hosch allat in ming Hearza Platz.

Huimat wiar di furchtbar misse,
bisch ming Kumpl, wiarsch wohl wisse.
Egal an wealchem Fleck i bin,
als Allgaier Fehl leab und stiarb i,
Huimat...bisch allat in mir drin.
Copyright Silvia Bichler